hey hey Luetlis!

Unser erscht grossi Wandertrip isch jetzte verbii!! mr sind im ganze 5 ganzi Taeg unterwaegs gsi!!! choenedr euch das vorstelle?? jede Tag um die 7 Stund laufe, zmittst in de Baerge vo Peru!!! puh, isch zimli sehr aastrangend gsi!!! ;-)
di erschti Nacht isch uns in bsundriger ERinnerig blibe!! eher im negative Sinn ;-) will's so um die -7 Grad Celsius chalt gsi isch!! und mir am campe mit unsere Summerschlofsaeck ;-) zum glueck haemr uns e tag vorher no en Fliess-Inneschlofsack zuetoh gha, will mr so e Chaelti scho befuerchtet haend ;-) haemr aecht no nie erlaebt: Schlofe mit 3 Pullis, Jacke, 2 Chappene, Schal, 2 Paar Sockene... und mr haend immer no gfrore... ich (Sarah) ha amigs in de Nacht fascht d'stunde zellt, will i vor Chaelti chum ha choene schlofe...
aber jetzt gnueg gjammered ;-)
usser no oepis: am zweite Tag han denn ich (Sarah) e liichti Form vo Hoehekrankheit verwuetscht!!! mit Chopfweh, erbraeche, schlappsii.. und isch grad de aastraengenschti Tag vo allne gsi... naja... ha denn es extrapferd becho, mit dem ich 1ehalb stund ha choene uf de Baergspiz uferiite, waehrend di andere tapfer uffegloffe sind ;-)
An zwei Taeg haemer am Obig e schoeni Erholig gha: mr haend in wunderbar warmem Thermal-Vulkanwasser badet!! wow, rundherum Baerglandschaft... traumhaft schoen und romantisch ;-)
Am fuenfte Tag simr denn am 4i am Morge ufe Machu Pichu uffegwanderet. --> riese Inkaruine, wo als eins vo de 7 Waeltwunder gilt!! sehr iidruecklich gsi!

Im moment simr scho wiiter suedlich.. fascht in Bolivie: am Titicacasee. das isch de hoechschti schiffbari See vo de Waelt: 3800m ueber Meer!
haend e 2-Tages-Trip uf wunderbari Insle gmacht. Morn gohts nach "Copacabana", eme andere Ort an dem See, wo scho zu BOLIVIE ghoert! mr freue uns, bald s'dritte Land choene z'entdecke und z'bereise!!!
--> keep in line ;-) so we'll also do.. ;-)