... 5, 4, 3, 2, 1 jeah: GRUEZIWOHL SCHWIIIZERLAAAAND :D miiiir choemmeeeeee

genau, mittlerwile sinds nur no 5Taegli bis mer waerde 10000km zrugg fliege in unseri schoeni heimat.
huet morge frueh simmer mitem schiff vo colonia del sacramento (uruguay) nach buenos aires ueberegsiedlet.
buenos aires isch e riise stadt, luut und draeckig und glich erstuunts uns, dass trotz daem viele verkehr dluet sehr glasse dur dstrosse laufe. huet haemmer eifach mol so richtig sunnetankt und kaeffelet, wie mer das so liebe. :-)
mega cool isch, dass mer do choenne ueber de hospitalityclub bimene duetsche studaent wohne. isch en total flotte cheib ;-) und drum fuehle mer uns wieder chli meh dehei als eifach so imene hostel, was sehr schoen isch.
mir muend uns scho fascht e agenda zuetue fuer die noechste 5taeg do in buenos aires, will mer scho mit diverse luet verabredige und aessensiladige haend... fruende vo unserem gastgeber waend uns scho kennelerne und haend uns zum znacht iglade. denn waerde mer uns au no mitemne chilener traeffe, womer in uyuni kenneglernt haend und do in buenos laebt - bi ihm simmer zum zmittag iglade. was au no astoht isch es professionels frisbee-turnier, denn vor 2wuche haemmer eine kenneglernt wo professionel inere manschaft spielt und ueberedet het am samschtig direkt go mitspiele go. wird sicher e cools erlaebnis. :-)
wie ihr gsehnd isch no vieles am laufe... mir gniesses und glichzitig freue mir uns scho sehr uf hei. git doch gwuessi luet wo uns sehr wichtig sind und womer jez aendlich wieder mol waend gseh!!!

das wird unsere letschtig bitrag si. isch immer mage laess gsi, haender komentaer gschriebe, drin glaese und so an uns daenkt.

so see you then soon in switzerland. schwizerbode waerde mer am zischtig 30.september betraette. jeah!